المقادير
مقدار من العصاج
مقدار من صلصه الباشاميل
2 كوب فاصوليا خضراء مغسوله و مقطعه
2 كوب بازلاء مع جزر مقطع
2 كوب ارز
الطريقه
اولا بنحضر العصاج : فى المقلاه بنضع زيت الذره ثم بصله مفرومه مع فلفل اخضر مقطع صغير لحد ما البصله تصفر نضع عليها اللحم المفروم و نتبلها بملح و فلفل و بهارات و زعتر و قليل من الروزمارى و 1\2 ملعقه صلصه طماطم و نقلبها لمده 5 دقايق و نتركها جانباً ..
ثانياً فى نفس الحله اللى حنعمل فيها الارز بنحط ملعقه زبده و عليها الخضار مع رشه ملح و فلفل اسود و نقلبه شوى و بعدين نحط عليه حوالى 3 كوب ماء و نسيبه يغلى غلوتين لحد ما نجهز الباشاميل ...
ثالثاً بنحضر الباشاميل : 3 ملاعق طعام دقيق بنحطهم مع ملعقة زبده ونقلبه لحد ما يشقر لونه ونصب عليه 1\2 كيلو لبن خيط رفيع مع التقليب المستمر و نتبله بالملح و الفلفل و بحب احطله شريحة جبنه شيدر او رومى او اى شىء متوفر لديكم و نتركه جانبا ...
بنرجع للخضار ... لما يوصل ل 1\2 السوى ( لانه بيكمل سوى مع الارز و فى الفرن ) بنضيفله الأرز المغسول و نضبط مقدار المايه بحيث تكون مرتفعه عن سطح الأرز مسافة 1 سم و نضبط الملح و نسيبه يغلى غلوه وبعدين نوطى عليه النار خالص لحد ما يستوى ( منسيبش الارز زياده عن اللازم على النار مجرد ما يستوى بنرفعه عشان مينشفش و اذا احتاج مايه بنضيفله )... لما يستوى الارز بنضيفله 3 ملاعق من الباشاميل و نقلبه ثم نحضر القالب و ندهنه بالزبده و نحط 1\2 كميه الأرز ثم العصاج ثم ال1\2 الثانى من الأرز ثم الباشاميل و نحط فوق الوش بيضه مخفوقه مع رشة ملح و فلفل اسود و نرش فوق الوش جبنه موزاريلا او اى نوع جبنه شرائح مقطعه صغير جدا و تدخل الفرن لحد ما يحمر الوجه
